Голгетерот на Баерн Минхен, Роберт Левандовски, бележи голови 19 дена по операцијата на адукторите, пишува весникот „Билд“.
Секако, станува збор за гол на тренинг, но и тоа им дава оптимизам на навивачите на тимот дека Полјакот ќе биде целосно подготвен за стартот на Бундеслигата следната недела.
Триесет и едно-годишниот напаѓач излезе на „Зебенер штрасе“ вчера во навидум одлично расположение и постојано се смешкаше пред фотографите кои го следеа.
Како што е познато, Левандовски не замина во зимскиот камп во Катар и остана во Минхен, каде се подготвува по индивидуална програма.
