Тешка сообраќајна несреќа вечерва околу полноќ се случи во населбата Кисела Вода на булеварот „Борис Трајковски“.
Според информациите на Курир од терен, автомобил „Мерцедес“ со штипски регистерски ознаки, најверојатно прво удрил во автобуската постојка, по што продолжил да се движи во паркот зад неа удирајќи во бандера и на крај се превртел на кров.
Бројот на евентуално повредени лица не е познат, бидејќи според неофицијални информации во возилото нема никој.
На терен се полициски екипи и вршат увид.
