Кошаркарите на Куманово ја совладаа ФМП Академија, откако во вечерашното дерби од 14. коло во Првата кошаркарска лига извојуваа заслужена победа од 72-66.
Во првиот дел најрасположен кај домашниот тим беше одличниот Ливингстон, но во третиот квартал Американецот падна во сенка и ФМП го искористи тоа и со позитивни минути ја презеде контролата врз водството. Сепак, кога беше најпотребно Куманово фати ритам и израмни на 54-54, додека во одлучувачките десет минути се разигра Ѓекиќ и го одведе Куманово во заслужена победа од 72-66.
Токму српскиот интернационалец со 24 поени беше најпрецизен поединец на паркетот, додека во редовите на ФМП се истакнаа Крстајиќ со 19 и Атанасов со 18 поени.
foto : gol.mk