Шалке 04 објави дека една од ѕвездите на тимот, Макс Мајер ќе го напушти клубот по крајот на сезоната како слободен агент.
Дваесет и две-годишниот играч од средниот ред ги одби сите понуди да го обнови договорот.
Од почетокот на сезоната тој има запишано 24 настапи со синиот дрес во Бундеслигата, а неговото име се поврзува со Арсенал.
Во меѓувреме, „рударите“ од Гелзенкирхен потпишаа договор за партнерство со кинескиот клуб Хебеи. Договорот е за пет години, а „кралско-сините“ ќе испраќаат тренери за помош на кинеската академија за сума од 10 милиони евра.
Германскиот тим трета година по ред ќе одржи турнеја во Кина за време на летните подготовки.
(Миа)
