Селекторот на Германија, Јоаким Лев призна дека ако го добие правото да избира меѓу Лионел Меси и Кристијано Роналдо, за да вклучи еден од двајцата во составот на Германија за СП 2018, ќе се реши за аргентинската ѕвезда.
Според Лев, Меси е „најкомплетниот играч“.
– Ќе го одберам Меси. Роналдо е сензационално добар, одличен професионалец и ексклузивен голгетер, но Меси според мене е најкомплетниот фудбалер, изјави Лев во интервју за „Билд“.
Лев смета дека аргентинската ѕвезда на Барса игра на исклучително високо ниво во секоја сезона повеќе од десет години.
– Тој дава помеѓу 30 и 40 асистенции по сезона и исто така постигнува околу 50 гола годишно. Покрај тоа игра спектакуларно. Брзината во играта на Меси е недостижна. Тој може да остави осум или девет играчи зад себе, додаде Јоаким Лев.
МИА
Поврзани вести
Навивач се појавил до Меси со дрес на Роналдо, погледнете ја реакцијата на Аргентинецот (ВИДЕО)
ПОЗИРАШЕ ВО ЖЕШКИ И ТЕСНИ ФАРМЕРКИ – Георгина повторно ќе ги налути сите, провоцира среде стадион во оваа поза (ФОТО)
