Германскиот прволигаш Баерн Минхен остана без еден од клучните играчи во одбраната Никлас Шуле, кој на тренинг го повреди мускулот и ќе отсуствува од теренот неколку недели, соопшти денеска бундеслигашот.
Шуле (26) се повреди на вчерашниот тренинг и нема да биде на располагање за саботниот прволигашки дуел против Унион Берлин, а, исто така, ќе ги пропушти и следните два меѓународни натпревари со германската репрезентација против Израел, на 26 март, и против Холандија на 29 март.
Неизвесен ќе биде настапот на Шуле во дресот на Баерн и за четвртфиналните натпревари во Лигата на шампиони, за кои жрепката е закажана за утре.