Леброн Џејмс се искачи на второто место на вечната листа на најдобри стрелци во историјата на НБА лигата, тоа не им вредеше не неговите ЛА Лејкерс кои загубија со 127:119 од Вашингтон визардс.

Џејмс натпреварот го заврши со 38 постигнати поени и сега има 36.965 постигнати поени во регуларниот дел од сезоните во НБА лигата поминувајќи го Карл Мелоун кој остана на 36.947 поени, додека на првото место е Карим Абдул-Џабар со 38.387 поени чиј рекорд ќе го нападне следната сезона.

Кај Вашингтон најдобар беше Кристапс Порзингис со 27 поени, додека поранешниот „езерџија“ Колдвел-Поуп постигна 18 поени.

Шарлот хорнетс со 129:108 го совлада Далас маверикс благодарениер на одличната игра во третата четвртина која ја доби со 41:28.

Бриџис со 23 поени беше најпрецизен кај Шарлот, додека на Далас не му помогнаа ниту 37 поени на Лука Дончиќ.

Кливленд со 113:109 го совлада Детроит благодарение на 24 поени и 12 асистенции на Гарланд.

Шампионот немаше сили за успешен поход низ Минеаполис без првата ѕвезда Јанис Антетокумбо. Така, Минесота го победи Милвоки со 138-119. Младиот Ентони Едвардс и одличниот центар Карл Ентони Таунс го предводеа тимот до победата со по 25 поени, а центарот надоврза и 11 скока.