Иако многу луѓе се скептични кога станува збор за комбинирање на слатки и солени вкусови, сигурни сме дека ќе ви се допадне оваа салата
Во овие топли денови, здравата салата најдобро ќе ве освежи, а ние ви даваме предлог како да ја направите оваа со диња:
Состојки:
помала диња
125 гр моцарела
100 гр пршута
шака рукола
спанаќ
малку свежо нане
малку мајчина душица
маслиново масло
сок од лимета
Подготовка:
Изладената диња исчистете ја, исечкајте ја на кришки, ставете ја во сад, па додајте рукола, тенко исечканата пршута, малку спанаќ и моцарела. Зачинете со свежо нане и мајчина душица, прелијте со сок од лимета и маслиново масло, сè убаво измешајте, па веднаш послужете.
Пријатно јадење!
