Без разлика дали се аматери во спортот или професионалци, храната е многу важна. Често го имаме истиот проблем: да јадеме пред тренинг или не, а што да консумираме после физичка активност? Ако не јадеме нешто, многу веројатно ќе се чувствуваме слаби и може да се појават болки во мускулите. Вежбањето бара подготовка, не само на телото, туку и на обмислен оброк.

Пред тренинг:

– оброк пред тренинг не подготвува за активноста, не смееме да се чувствуваме гладни или сити и храната не смее да биде мрсна и тешка за да не ’седи лошо’ на стомакот

– јадете 1-2 часа пред тренинг

– пијте 300-600 ml течност во оброкот пред тренинг, а потоа 300-450 ml 15-20 мин пред тренинг за оптимална хидратација и подобри перформанси на тренингот

За време на тренингот:

– многу е важно да ги надополниме водата и електролитите што ги губиме со потење

– внесете доволно течности за време на тренингот во паузите помеѓу тренинзите

После тренинг:

– после физичка активност треба надополнување на потрошените енергетски резерви, за што е потребен оброк богат со јаглени хидрати и протеини

– јадете што е можно поскоро после тренинг, бидејќи тогаш телото најдобро ги користи хранливите материи за закрепнување

– јадете овошје (банана, јаболко…), чоколадно млеко, јогурт, енергетски бар житарки, протеински шејк и побрзајте дома за ручек/вечера

– не заборавајте добро да надополнувате течност после тренингот!

За појадок пред тренинг изберете житарки како овес или мусли без додаден шеќер и збогатете ги со сечкано овошје, јаткасти плодови и зачини кои ќе ви дадат доволно енергија за тренинг и нема да ви биде тешко на стомак. Во појадокот задолжително вклучете протеин од храната како јајца, млеко, јогурт и урда за синтеза на мускулните протеини, а тоа ќе ве засити и нема да бидете гладни за време на тренингот.

Важно е да избегнувате мрсна и пржена храна, храна богата со зачини и храна за која е потребно долго време да се вари. Изберете посно месо како пилешко или мисирка, риба со разновиден зеленчук и цели зрна. Одличен избор се интегралните тестенини во сос од домати со туна, печено пилешко со зеленчук на скара, разни салати со сезонски зеленчук збогатен со семки.