Овој пијалок го нарекуваат и рајски сок, и тоа со добра причина

Јаболкото кое уште го нарекуваат и крал на овошјето е вистинска ризница на состојки кои позитивно влијаат на нашиот организам. Благодарение на високиот процент на јаглехидрати, особено фруктоза и гликоза, јаболкото го снабдува организмот со енергија, го спречува заморот и губењето на концентрацијата. Во него се крие и серотонин, па е одличен за подигнување на расположението.

Ако направите домашен сок од ова овошје, без додаден шеќер, ќе добиете вистинска мала инфузија на здравје. Поради својата ниска калориска вредност, тој е вистински сојузник за сите кои сакаат да ослабат. Сокот од јаболко е богат со диетални влакна, а добро е познато дека помага во регулирањето на работата на дигестивниот тракт и ја поттикнува работата на метаболизмот.

Со редовна употреба ќе ги вратите цревата во нормала, а одлично решение е за сите кои страдаат од надуеност и гасови. Освен тоа, сокот од јаболко му помага на телото да се ослободи од насобраните токсини и го намалува холестеролот.

Овој сок е корисен и за луѓето кои страдаат од срцеви проблеми. Покрај тоа, корисен е и за анемични луѓе. Го регулира нивото на еритроцитите во крвта, како и нивото на хемоглобинот и краткорочно ја лечи анемијата. Поради содржината на калциум, овој сок позитивно ќе влијае на здравјето на коските.

Рецепт:

Состојки:

2 кг слатки јаболка

1 л вода

300 гр шеќер

1/2 кесичка конзерванс (5 гр)

Подготовка:

Добро измијте ги јаболката и отстранете ги скапаните делови. Не ги лупете, туку исечкајте ги на ситни парчиња. Ставете ги во блендер и изблендирајте ги. Добиената каша истурете ја во тенџере, додадете вода и варете. Откако ќе зоврие, варете уште десетина минути на ниска температура. Содржината процедете ја низ цедалка или крпа, па додадете шеќер во неа. Продолжете со готвење додека не зоврие, со постојано мешање за да се раствори шеќерот што е можно побрзо. При готвењето ќе се формира пена која ќе ја фрлите и ќе додадете конзерванс. Добро измешајте го сокот и истурете го во чисти шишиња. Завиткајте ги во ќебе и чувајте ги во него додека не се изладат.