Возач е тешко повреден во сообраќајна несреќа која вчера вечерта се случила на магистралниот пат Скопје-Приштина кај приклучок од обиколница на град Скопје.
Во несреќата учествувале товарно возило “даф“ со приколка со турски национални ознаки, управувано од М.К.(58) од Турција, и патничко моторно возило “фолксваген голф“, со скопски регистарски ознаки, управувано од Х.К.(50) од с.Блаце-скопско.
-Во несреќата со тешки телесни повреди се здобил Х.К. констатирани во Градската општа болница “Св.Наум Охридски“, велат од МВР.
Извршен бил увид од увидна екипа од СВР Скопје.