Нека не ве лаже името на ова слатко, бидејќи не е класична салама, туку од чоколада, бисквити и лешници. Се прави без печење за само десет минути, уживајте!
Состојки:
250 гр чоколадо за готвење
250 гр бисквити
100 гр путер
150 гр шеќер
три поголеми јајца
две лажици рум
две лажици какао во прав
200 гр лешници
две лажици шеќер во прав
Подготовка:
Чоколадото растопете го на пареа, а со раце искршете ги бисквитите на парчиња. Путерот со шеќерот се мати со миксер, па се додаваат јајцата едно по едно, непрекинато матење. Потоа додадете рум. Измешајте го какаото во чоколадото, а потоа соединете ја добиената смеса со смесата од жолчки. На крајот измешајте ги лешниците и бисквитите, соединете ги, па изладете ги во фрижидер дваесетина минути. Потоа со раце формирајте ја саламата, поросете ја со шеќер во прав и послужете.
