Одлично за гости

За страствените љубители на чоколадо ова е совршен рецепт.

Се прави без јајца, а може да биде одлична замена за torta.

Состојки:

(шолја 2 дл)

2 шолји брашно

2 шолји шеќер

1/2 шолја масло

2 шолји јогурт

2 лажички сода бикарбона

2 лажички какао во прав

Прелив:

10 лажици шеќер

10 лажици млеко

100 гр путер

100 гр чоколадо

1 лажица рум

Подготовка:

Во сад за матење ставете брашно, сода бикарбона и какао. Додадете шеќер и добро измешајте. Постепено сипете го јогуртот со постојано мешање за да не се појават грутки и на крајот додадете го маслото. Матете со миксер додека масата не се изедначи.

Ставете хартија за печење во тркалезен плех и истурете ја смесата. Се пече на 220 °C во загреана рерна околу 30 минути. За тоа време направете го преливот.

Во сад се ставаат сечканиот путер, млекото, шеќерот, чоколадото и по желба румот и се мешаат на тивок оган додека се растопи и се добие убав густ прелив.

Испечениот и сè уште топол колач во тавата исечете го на еднакви коцки и прелијте го со преливот. Оставете колачот да впие и добро да се излади.