Плејмејкерот на Бруклин, Кајри Ирвинг, се извини за содржината што се појави на неговите социјални мрежи. Поради оваа причина, Американецот ќе донира 500.000 долари на организации кои работат на искоренување на омразата и нетрпеливоста.Еден од најдобрите НБА кошаркари го рекламираше филмот со антисемитска содржина, што остави негативно влијание врз еврејската заедница.
„Свесен сум за негативното влијание на мојата порака врз еврејската заедница и ја преземам одговорноста за тоа. Не верувам дека нешто што е кажано во филмот е вистина или дека ги одразува мојот морал и принципи.Немав намера да наштетам на ниту една група, раса или религија, само сакам да бидам светилник на вистината и светлината“, рече Ирвинг.
