Претседателот на Франција, Емануел Макрон, направил прекрасен гест по натпреварот меѓу Франција и Мароко (2:0), кога по триумфот на Триколорите влегол во соблекувалната на африканската селекција и му честитал на Амрабат на прекрасната игра.
Макрон во таа прилика пред сите фудбалери на Мароко го пофалил играчот на Фиорентина и му кажал дека е најдобриот во целото првенство, што без сомнеж е голема чест за овој играч и прекрасен потег на првиот човек на Франција со што потврди дека спортот ги надминува сите граници и ги спојува луѓето.
Been told France president Emmanuel Macron has visited Morocco’s dressing room after the game and told Sofyan Amrabat that he has been “the best midfielfer of the tournament” in front of all the squad. 🇲🇦🤝🏻 #Qatar2022 pic.twitter.com/Ya9dOlB7u8
— Fabrizio Romano (@FabrizioRomano) December 14, 2022
Исто така Макрон во соблекувалната им се придружил и на француските фудбалери кои срдечно го дочекале и заедно го прославиле пласманот во финалето.
Да ве потсетиме, фудбалерите на Франција се пласираа во финалето на Светското првенство во Катар откако во полуфиналето ја победија селекцијата на Мароко со резултат 2:0.
