Направете маска за лице од пиво, бадемово масло и белка од јајце

Освен што е омилен пијалок на многумина, особено во лето, пивото може да се користи и за нега на кожата на многу начини.

За мека и мазна кожа

Пивото содржи антиоксиданси кои го спречуваат стареењето на кожата. Уште една недокументирана способност на пивото е да ги отстрани фините линии со затегнување на кожата. Пробајте маска за лице и измешајте една лажица пиво, белка од јајце и 3 капки бадемово масло. Нанесете на чисто лице и оставете да делува 10 минути. Исплакнете со ладна вода или тоник.

Храни и го стимулира растот на косата

Високите количини на витамини Б и силициум – овие клучни елементи за здравјето на косата – го прават пивото како балзам. Едноставно измасирајте чаша пиво на чиста коса и оставете да делува 5 минути. Исплакнете со ладна вода.

Ги смирува уморните нозе

Наполнете еден сад со ладно пиво и држете ги стапалата во него наизменично по напорниот ден.

Ги отстранува мртвите клетки од кожата

Измешајте една шака јагоди и две лажици пиво. Смелете во паста. Нанесете на лицето како средство за чистење. Нежно измасирајте и исплакнете со ладна вода.

Помага да спиете подобро

Хмељот, една од клучните состојки на пивото, е природен седатив и ефикасен природен лек за несоница. Не мора да пиете! Обидете се со едноставен трик: измијте ја навлаката за перница во раствор од вода и пиво 1:1 и оставете ја да се исуши. Ткаенината ќе ја впие аромата на хмељот и ќе делува благотворно врз вас.