Фудбалската репрезентација на Мароко беше вистински хит на Светското првенство во Катар со пласманот во полуфиналето.
Со новиот гест мароканските фудбалери собраа нови симпатии, имено нивните парични награди заработени на Мундијалот ќе ги донираат на сиромашните сограѓани.
Играчите на Валид Реграги како херои беа пречекани во Рабат по повод историскиот успех на СП 2022.
Кралот Мохамед шести им организираше прием и им додели ордени на фудбалерите за одличниот настап.
Вкупно 277 илјади долари ќе бидат донирани, колку што им следува на играчите од 25 милиони долари што фудбалската федерација на Мароко ги добива од ФИФА за освоената четврта позиција на СП.