Мундобаскетот кој треба да се одржи во Јапонија, Индонезија и Филипини би можела да помине без најдобрите светски кошаркари во моментов, оние кои настапуваат во НБА лигата. Иако има уште многу време, се посериозно и почесто се зборува за локаут во НБА чија колатерална штета би било токму Светското првенство.

Претстојното лето, односно по завршувањето на сезоната треба да биде постигнат и потпишан нов договор меѓу асоцијацијата на професионални кошаркари и сопствениците на франшизите, а уште отсега се спомнува наводно незадоволство кое може да доведе до локаут.

Ако навистина дојде до тоа, сите кошаркари кои играат во НБА, вклучувајќи ги и американските, ќе бидат „заклучени“ и нема да имаат право да играат на Светското првенство.

Досега имаше четири локаути, а слична како оваа, беше ситуацијата во 1998 година кога, исто така, играчите од НБА не можеа да настапат на шампионатот во Грција.

.