Меките крофни се омиленото уживање за многумина. Постои и нивна мини верзија.

Мини крофните се јадат во еден залак. Однадвор се крцкави, а внатре меки. Може да се послужат со џем, нутела или растопено чоколадо, или само да се извалкаат во миризлив ванилин шеќер.

Состојки:

200 гр брашно

30 гр шеќер

1/2 лажичка сол

1 рамна лажичка сув квасец

1 јајце

130 мл млеко

20 гр путер

Подготовка:

Во сад измешајте ги просеаното брашно, шеќерот, солта, сувиот квасец.

Додадете ги јајцето, млекото и стопениот путер.

Состојките измешајте ги со шпатула, кога тестото е лепливо значи дека е готово.

Покријте со проѕирна фолија и оставете на топло место да нарасне.

Истурете ја смесата во кеса за замрзнувач, а потоа исечете дупка.

Во тенџере ставете масло. Кога ќе се загрее истиснете малку тесто од кесичката.

Пржете ги крофните додека не поруменат.

Кога ќе бидат готови, наредете ги во чинија и оставете ги да се изладат.

Послужете ги со сладок додаток по ваш избор.