Малку шеќер, јајца, сок од портокал, брашно и уште неколку состојки и вашите мафини се готови.
Доколку сте љубители на сладок појадок, овие мафини особено ќе ви се допаднат.
Состојки:
половина шолја шеќер
половина шолја масло
две јајца
чаша сок од портокал
две чаши брашно
кесичка прашок за пециво
прстофат сол
Подготовка:
Јајцата се матат со шеќерот и маслото, па се додава сокот од портокал и сето тоа убаво се меша. Брашното измешајте го со прашокот за пециво и малку сол, додадете го во смесата со јајцата, мешајте една минута и истурете во подмачкани калапи за мафини. Печете во рерна на 180 степени 15-20 минути.
