Девете годишно дете е повредено во сообраќајна несреќа која се случила вчера на локалниот пат село Групчин-село Ларце, а во која учествувале патничко возило ,,Форд Фокус“ со тетовски регистарски ознаки, управувано од А.А. (64) од село Ларце и патничко возило ,,Мерцедес“ со германски регистарски ознаки, управувано од Џ.Џ. (28) од село Желино.
Во незгодата со повреди се здобило девет годишно дете од село Ларце -сопатникот од возилото „Форд Фокус“.
Со друго возило момчето било пренесено во Клиничка болница Тетово и по укажаната лекарска помош било задржано на понатамошно лекување.
Увид на местото на настанот извршила екипа од СВР Тетово.
