Нутриционистите тврдат дека одредена храна, доколку прва ја внесеме во текот на денот, може да предизвика стомачни проблеми.

Некои намирници, колку и да се здрави, доколку не се конзумираат правилно, можат да создадат одредени проблеми.

Овие пет намирници треба да се избегнуваат во раните утрински часови, пред првиот оброк.

Јогурт

Доколку имате чувствителен стомак, појадокот кој вклучува јогурт би можел тешко да ви „падне“. Јогуртот содржи здрави бактерии кои доколку ги консумирате сами не стигнуваат до цревата бидејќи празниот стомак ги убива со својата киселина. За да ја избегнете оваа ситуација, доволно е да изедете малку јаткасти плодови, парче авокадо или лажица снегулки пред јогуртот, за да не ви биде празен желудникот.

Банана

Бананите се исто така намирници кои не се препорачуваат за појадок. Ако ја земете на празен стомак, наеднаш го зголемува нивото на шеќер во крвта, кое многу брзо паѓа. Ова може да резултира со ненадеен почеток на глад во текот на денот.

Сиров зеленчук

Сировиот зеленчук е здрав и богат со витамини и минерали. Сепак, не се препорачува за појадок, бидејќи сировиот зеленчук е вистински предизвик за вашето варење, особено кога го консумирате на празен стомак. Покрај тоа, може да биде многу иритирачки и да создаде чувство на надуеност.

Цитруси

Многумина од нас го започнуваат денот со мешавина од цитруси или свежо исцеден сок од портокал. Ова звучи здраво, но на празен стомак може да предизвика металоиди. Единствен исклучок е водата помешана со лимон и една лажичка мед, бидејќи во таа ситуација сокот од лимон е доста разреден.

Ладни газирани пијалоци

Ако се консумираат на празен стомак, ладните газирани пијалоци можат да предизвикаат оштетување на слузокожата и да го намалат протокот на крв во желудникот. Ова резултира со забавено варење и стомачни тегоби.