Свинската маст се смета дека е поздрава од маслото за јадење, но и дека храната приготвена со неа е многу повкусна. Но, дали знаете до кога може да ја користите?

Свинската маст која се чува на собна температура може да ја користите од четири до шест месеци.

Додека ја чувате во фрижидер рокот на траење е околу една година.

Како да ја чувате?

Најважната работа која треба да ја знаете при чување на маста е истата да ја ставите во сад кој добро ќе биде затворен. Цврсто затворениот сад ќе ја ограничи изложеноста на кислород, одржувајќи ја маста свежа подолго време. Чувајте ја подалеку од директна сончева светлина или топлина. И едното и другото може да доведат до намалување на рокот на траење на маста.

Свинската маст може да се замрзне, но тоа не значи дека може да ја чувате засекогаш.

Како да знаете кога на маста и поминал „рокот на траење“?

Мирисот е најдобриот показател. Ако маста има непријатен, киселкаст или на друг начин необичен мирис, тогаш не треба да ја користите.