Колачот со афион е идеално уживање доколку сакате да ги задоволите гостите или семејството
Состојки:
3 јајца
100 гр шеќер
50 мл масло
200 мл јогурт
100 гр суво грозје
10 лажици брашно
1 прашок за пециво
100 гр семе од афион (не мора да се меле)
Подготовка:
Јајцата се матат со шеќерот, па се додава брашното просеано со прашокот за пециво, маслото, јогуртот, сувото грозје и се се меша. Подмачкајте ја тавата со масло, па посипете ја со брашно.
Истурете 2/3 од тестото во тавата и размачкајте. Додадете семе од афион на остатокот од тестото и измешајте. Прелијте го врз светлиот дел и израмнете со лажица. Можете да промешате со стапче и да оставите така.
Печете на 200 степени целзиусови околу 40 минути. По желба растопете 100 гр чоколадо со 2 лажици масло и прелијте го врз колачот.
