Палентата е традиционално италијанско јадење, а во зависност од тоа како ја подготвувате, можете да ја послужите за појадок, ручек или вечера. Италијанскиот готвач Џенаро Конталдо сподели рецепт за палента со печурки, но Гордон Ремзи го подигна ова јадење на многу повисоко ниво.

Според рецептот на Ремзи, можете да го послужите за ручек како прилог или посебно. За да ја направи палентата што е можно повеќе кремаста, Гордон ја зготви во супа, а потоа додаде разни состојки кои драстично го збогатија нејзиниот вкус.

Состојки:

1/2 л супа од зеленчук
мелена пиперка
200 гр палента
1 чешне лук
200 гр спанаќ
маслиново масло
40-50 гр путер
1 лимон
2 лажици замрзнат грашок
2-3 лажици сирење маскарпоне (крем сирење)
малку пармезан
малку козјо сирење

За декорација:

замрзната брокула
замрзнат аспарагус
замрзнат боранија

Подготовка:

Направете бујон со растворање на коцката за супа во топла вода. Промешајте, па посолете, побиберете, наросете кршен пипер, па прелијте со маслиново масло. Оставете ја супата да зоврие, а потоа намалете ја температурата и постепено додавајте ја палентата.

Мешајте цело време и варете додека малку да згусне. Исклучете го шпоретот, а потоа додадете го изренданиот лук. Спанаќот кратко избланширајте го, па кога ќе се олади убаво исцедете го од вишокот вода и ситно исечкајте го. Можете да користите и замрзнат спанаќ, само извадете го претходниот ден и кога ќе се одмрзне, исто така добро исцедете го вишокот вода. Потоа во палентата додадете го спанаќот и убаво измешајте.

Истурете малку маслиново масло, а потоа додадете рендана кора од лимон и путер. Вратете на шпорет и варете додека состојките убаво не се соединат и палентата не стане кремаста со постојано мешање. Потоа во смесата додадете го грашокот, повторно брзо измешајте, варете уште 5 минути, потоа додадете го сирењето маскарпоне и прелијте со сок од половина лимон. Вратете на шпорет и варете кратко време со постојано мешање.

Се трга од шпорет, се додава ренданиот пармезан и се варат уште неколку минути додека се меша. Се сервира во чинија, па се прелива со маслиново масло и се украсува со козјо сирење. Замрзнатиот зеленчук по желба по желба можете кратко да го избланширате и да го искористите за дополнително украсување на ова јадење.