Во последниве години, срцевите заболувања се повеќе ги погодуваат помладите луѓе. Иако „традиционално“ се поврзуваат со мажи, ова е застарено мислење кога станува збор за статистиката. Процентот на жени рапидно расте, а целта се сè помладите жени на возраст од 35 до 54 години.
Од деведесеттите до последната деценија тој процент скокнал за пет проценти. Исто така, не сите видови на срцеви удари се исти. Некои имаат дури и подмолни симптоми. На пример, MINOCA е миокарден инфаркт без коронарна артериска опструкција и најчесто ги погодува жените.
Поврзана состојба, наречена INOCA (не-оклудирана коронарна артериска исхемија), има многу исти симптоми, но без вистински срцев удар. Овој необичен тип на срцев удар што ги збунува дури и лекарите е предизвикан од слаб проток на крв во срцето, и покрај фактот што нема видливи докази за голема блокада на артериите.
Околу 5 до 25% од сите пациенти со миокарден инфаркт имаат нормални или речиси нормални коронарни артерии на коронарната ангиографија. Во случајот со MINOCA, некои од пациентите имаат здрав начин на живот, нормален крвен притисок и нивоа на холестерол, а немаат ни семејна историја на кардиоваскуларни болести.
MINOCA може да предизвика 25% до 30% од сите срцеви удари кај жените (и помалку од 10% кај мажите). Знаците и симптомите на овој срцев удар се исти како оние на срцев удар кај некој со блокирани артерии: непријатност во градите, (болка, притисок, стегање) отежнато дишење, гадење, вртоглавица.
