Подготовката е прилагодена за почетници

Состојки:

4 свински котлети, со или без коски

сол, бибер

маслиново масло

путер

– за кремаст сос од печурки:

1 чаша сецкани печурки

2 лажици свеж сечкан магдонос

1 лажица свежа сечкана мајчина душица

4 згмечени чешниња лук

1 чаша павлака за готвење

Подготовка:

Зачинете ги котлетите со сол и бибер. Загрејте ги маслото и путерот во тава за пржење и пржете ги котлетите околу 3-4 минути од секоја страна додека не добијат златно кафеава боја и центарот повеќе не е светло розев (пржете во серии доколку е потребно). Извадете ги котлетите и оставете ги на страна.

Во истата тава додадете ги печурките и динстајте 3-4 минути на средна температура. Кога печурките ќе заруменат, додадете половина магдонос, половина мајчина душица и целиот издробен лук; пржете 30 секунди додека не замириса. Истурете ја павлаката и варете на тивок оган 3-4 минути додека малку не се згусне. Зачинете со сол и бибер по ваш вкус. Додадете ги котлетите назад во сосот, оставете да се крчка една минута за да се загреат. Украсете со преостанатите зачински билки и послужете веднаш.

За полесна подготовка може да го погледнете видеото: