Кифлици, топли, меки и сочни, со мирис и вкус на путер, кои се топат во устата на првиот залак, секогаш се асоцијација за совршен оброк за почеток на нов ден. Ви пренесуваме рецепт за едно такво пециво во кое ќе ужива целото семејство.

Совршени се и празни, а ако се полнат со фил од сирење и кајмак, задоволството е уште поцелосно.

Состојки:
За тестото:
1,5кг брашно
20гр квасец
5 лажици масло
2 јајца
5дл млеко
250гр путер
2 лажици шеќер
1 лажица сол

За филот:
250гр свежо сирење
150гр кајмак

За обложување:
1 цело јајце
1 жолчка
20гр путер

Подготовка:
Измешајте го квасецот во половина шолја топло млеко, со две лажици шеќер и оставете го да нарасне. Замесете меко тесто од брашно, сол, подготвен квасец и други состојки.

Направете 16 топчиња, па поделете ги на два дела од осум топчиња. Секое премачкајте го со дебелина од пола сантиметар и развијте до пречник од 20 сантиметри, премачкајте го со омекнат путер и наредете една преку друга, за да не треба да се премачка последната кора.

Покријте со кујнска крпа и оставете го тестото да отстои 20 минути. Од осумте премачкани кори прво поделете еден дел во голема тркалезна кора и прво поделете на четири дела, а секоја четвртина на уште шест.

Од една развиена кора ќе добиете 24 триаголници. Скршете го сирењето и измешајте со кајмакот. На секој триаголник ставете по малку фил, па завиткајте ја кифлата. Направете го истото со другиот дел од тестото.

Ролатите наредете ги во плех претходно обложен со хартија за печење, покријте ги со кујнска крпа и оставете да отстојат еден час. Направете премачкување така што нежно ќе растопите 20 грама путер и ќе ги соедините со претходно изматена жолчка и јајце.

Потоа со ова премачкајте ги кифличките. Се пече во загреана рерна 20 минути на 220 степени додека ситно порумени. Послужете ги топли со пијалок што го сакате.

Пријатно!