Едноставен и брз начин за подготовка на филети од риба. Не мора да биде лосос, може и било која друга риба, само прилагодете ја должината на печењето на дебелината на филето… Уживајте!
Состојки:
500 гр филе од лосос
една лажица сок од лимон
две лажички сенф
третина шолја излупени бадеми
четвртина чаша пармезан
маслиново масло
сол, бибер
Подготовка:
Парчињата лосос измијте ги и исушете ги, а потоа ставете ги со кожата надолу во подмачкан огноотпорен сад. Измешајте ги сокот од лимон и сенфот, а со добиената смеса премачкајте ја рибата. Посипете со листови бадем и пармезан, посолете и побиберете, покријте со фолија и печете во рерна на 200 степени десетина минути. Отстранете ја фолијата и печете уште 10-15 минути. Послужете додека е топло.
На здравје!
