Иако пораснавме верувајќи дека млечните производи се клучни за градење на коски и здрави мускули, неодамнешното истражување сугерира дека овие намирници треба да ги јадеме и пиеме умерено.

Симптомите на нетолеранција на лактоза може да вклучуваат гадење и, во тешки случаи, повраќање по конзумирање на повеќето млечни производи кои содржат лактоза – сладолед, сирење, млеко…

Друга работа на која укажале истражувањата е поврзаноста помеѓу консумирањето млечни производи и проблемите со кожата. Хормоните што можеме да ги најдеме во комерцијалните млечни производи може да го влошат тенот и да предизвикаат појава на акни.

Исто така, на листата на лоши негативни ефекти на комерцијалните млечни производи е и тоа што на нив обично се додава хормон за раст. Се верува дека овие хормони можат да го нарушат нивото на инсулин и индиректно да предизвикаат проблеми со кожата.

Според некои истражувања, долгорочното консумирање на млечни производи може да доведе до развој на одредени видови на рак.

Најчесто се спомнуваат кај ракот на простата и ракот на дојката, но треба да се земе предвид дека повеќето од овие студии се сепак епидемиолошки, што значи дека ги разгледуваат врските, а не причините за одредени појави.