Екстрактот од ванила е клучна состојка во многу рецепти за колачи и десерти, обезбедувајќи моќен вкус од само една или две лажички додадени во тестото.
Но, дали екстрактот од ванила се уште е добар по една година (или пет) во вашите кујнски плакари?
Краткиот одговор е да – тој екстракт од ванила во вашиот шкаф е веројатно безбеден за употреба, дури и ако не можете да се сетите кога точно сте го купиле.
Дали вистинскиот екстракт од ванила се расипува?
Чистиот екстракт од ванила (од вистински зрна ванила и најмалку 35 проценти алкохол) има неограничен рок на траење, освен ако не се складира неправилно. Но, самиот вкус може да се промени по неколку години – може да стане посилен или послаб, што особено може да влијае на рецептите каде вкусот на ванила е на прво место, како што е сладолед од ванила или колач од ванила.
Најдобар начин да проверите дали вкусот е сè уште добар е со тест со мирисање. Ако мирисот на екстрактот од ванила е слаб – а не типичен сладок мирис – веројатно ќе сакате да инвестирате во ново шише, пренесува РС.
Дали имитацијата на екстракт од ванила се расипува?
Имитацијата на екстракт од ванила може да биде исплатлив начин да се добие вкус на ванила, бидејќи користи ванилин произведен во лабораторија наместо вистински зрна ванила. Но, имитацијата на екстракт од ванила не трае толку долго како чистиот екстракт од ванила. Можете да очекувате дека вкусот ќе остане до една година по истекот на рокот. После тоа, најдобро е да инвестирате во ново шише пред следната употреба.
Како да чувате екстракт од ванила
Како и со многу други намирници и состојки, изложеноста на екстремни температури и светлина може да предизвика распаѓање на екстрактот од ванила.Треба да барате темен шкаф подалеку од апарати што произведуваат топлина како што се шпорети и машини за миење садови.
Светлината исто така не е пријател на вашиот екстракт, како што можете да си замислите, имајќи предвид дека екстрактот од ванила обично доаѓа во темни шишиња. Затоа не заборавајте да го чувате на темно место за да ја минимизирате изложеноста на светлина.
