Италијанците се познати по тоа што имаат широк спектар на специјалитети од тесто, како тестенини, пица, лазањи, њоки… Секоја домаќинка малку ги преработила рецептите за познати јадења, но оригиналот сепак е најубав.

Познатиот италијански готвач Џенаро Конталдо открива како да направите совршени домашни њоки. Можете да ги пржите или варите, да ги послужите како прилог или јадење, а одлично одат и со сосови. Се прават од тесто од компир за околу половина час.

Состојки:

1 кг компир

Сол

2 жолчки

150 гр брашно

Подготовка:

Сварете ги компирите со кора, процедете ги и оставете ги да се изладат. Потоа излупете ги и изгмечете, посолете и додадете ги жолчките и брашното. Замесете тесто, па префрлете го на набрашнета површина. Исечете парче тесто, па виткајте го додека не добиете облици на змија. Се сече на помали парчиња и прво се посипува уште малку брашно. Секоја њока превртете ја малку меѓу рацете, а потоа притиснете со вилушка и повторно нежно свиткајте. Сварете ги или испржете ги.