Тимот од Reader’s Digest состави листа на намирници кои обично ги чуваме предолго.

Пиво
Чувањето пиво на собна температура не е нужно лошо за неговиот вкус, но може побрзо да го расипе. По околу четири месеци, топлината, светлината и воздухот можат да навлезат во капачињата од шишињата. Фрижидерот е најдобар за сите пива.

Лук
Популарниот зачин најдобро се чува во темна, ладна остава или кујна до три месеци во мрежести кеси. Имено, кога се чува предолго, лукот ќе почне да се суши и да ‘рти. Ниту едното не е штетно, но и двете се показатели дека лукот повеќе не е квалитетен.

Компир
Обично трае до два месеци во оставата или кујната. Ќе знаете дека компирот ја изгубил својата свежина кога ќе никне или ќе развие црни дамки на кожата.

Прашок за пециво
За состојките за печење важат истите правила како и за зачините. Ќесичките прашок за пециво и сода бикарбона со текот на времето ќе ја изгубат цврстината на квасецот, што воопшто нема да му помогне на бисквитот или на колачот. Проверете ја нивната ефикасност со едноставен експеримент – измешајте сода бикарбона со оцет и прашок за пециво со топла вода. Ако се пени и се појават меурчиња, тоа значи дека состојките се уште се доволно свежи.

Чај
Ќесичките чај треба да се конзумираат во рок од една година бидејќи маслата во чајот ќе стареат и ќе му дадат лош вкус. Истото важи и за кафето. Најдобро е да се консумираат во рок од две до четири недели, додека инстант кафето ја задржува својата свежина до два месеци.