Куглофот е еден од најстарите колачи во светот. Заедничко за сите видови на овој деликатес е неговата кружна форма, која се добива од специјални калапи.
Состојки:
5 јајца
150 гр путер
240 гр шеќер
400 мл млеко
1 лажица прашок за пециво
300 гр брашно
80 гр какао во прав
1 лажичка екстракт од ванила
Подготовка:
Во сад измешајте ги јајцата со шеќерот и путерот, додадете млеко, арома на ванила, брашно и прашок за пециво.
Смесата поделете ја на два дела. Во еден дел измешајте какао.
Во средината на калапот за куглоф се става една чаша, превртена наопаку (да биде дното на чашата нагоре). Истурете ја смесата околу чашата една по една наизменично во калапот.
Кога ќе ја искористите целата смеса, извлечете ја чашата.
Печете на 180 степени 45 минути.
