Кога ќе се спомене пудинг, веднаш се сеќаваме на детството, па можете да си направите еден домашен со банана.
Состојки:
2 зрели банани
350 мл млеко
2 лажици густин
2 лажици мед
неколку капки екстракт од ванила
шлаг, мелени бисквити по желба
кругчиња банана
Подготовка:
Во еден сад измешајте две лажици млеко со две лажици густин. Изгмечете ги бананите со вилушка и ставете ги во тенџере. Во нив додадете ги медот и преостанатото млеко.
Варете на тивок оган со постојано мешање. Пред да зоврие смесата додадете ја смесата од млеко и густин.
Продолжете да варите додека смесата не се згусне. На крајот додадете неколку капки екстракт од ванила.
Пудингот најпрво изладете го малку на собна температура, а потоа сипете го во чинии за сервирање. Можете да додадете шлаг, мелени бисквити и кругчиња банана.
