Дали има нешто повкусно од топол, мек леб? Дури и кога додавате лук и зачини, вкусот е едноставно неодолив. Овој рецепт е лесен за подготовка, а штом еднаш ќе го пробате, ќе сакате да го гледате на масата секој ден.
Состојки:
1 пакување леб на кришки
5 чешниња бел лук
50мл маслиново масло
50гр путер
сол и бибер
малку свеж магдонос
Подготовка:
Ставете путер во сад и измешајте го со маслиново масло и мешајте додека не постигнете мазна текстура. Исецкајте го магдоносот и измешајте го заедно со путерот, па додадете сол и бибер, зачини по желба и ситно исечканиот лук.
Подмачкајте го секое парче одделно со овој премаз, па наредете ги во претходно подмачкана тава и печете 20 минути на 220 степени.
Послужете ги топли и уживајте.
