Со враќањето на рутината и работата или училиштето, кај многумина повторно се јавува проблемот – што да јадат на работа или – како да јадат вкусна и здрава храна на работа. Нутриционистите препорачуваат да јадете храна богата со хранливи материи на работа, а на листата на топ храна која ќе ви даде енергија за цел ден се: свеж лиснат зеленчук, замрзнато или свежо сезонско овошје, овошје, маслиново масло, медитерански зачини, бибер, куркума, ѓумбир, квалитетни протеини како јајца, сирење, риба, пилешко, мисирка, тофу или мешунки и цели зрна – просо, киноа, ориз, цели тестенини, кускус, јачмен, леќа…

Можете да искомбинирате добар оброк со горенаведените намирници според една, всушност, многу едноставна формула: зеленчукот треба да зафаќа половина од оброкот, а протеините и интегралните житарки треба да заземат четвртина од оброкот и да додадете малку здрави масти на тоа. Затоа најлесно би било оброкот да се завитка во тортиља или пециво или да се подготви рижото или салата.

Имаме предлог рецепт за супер здрава и супер вкусна салата со ракчиња и варени јајца, која содржи се што му е потребно на вашето тело во најактивниот дел од денот, а ви требаат само десет минути за да ја направите.

Состојки:

1 супена лажица масло од тиква
1 супена лажица маслиново масло
1/2 чаша црвен или друг грав по избор
1/2 чаша просо
3 грста рукола или друга зелена салата
2 грста брокула, цветчиња
2 јајца, тврдо варени
100 гр замрзнати ракчиња
зачини

Подготовка:

Гответе го просото според упатството (прво исплакнете го под вода) и брокулата (зеленчукот сепак треба да биде крцкав, а не преварен).

Во тава со малку маслиново масло пропржете ги ракчињата.

Во садот додадете го исцеденото просо, исечканите варени јајца, зеленчукот и ракчињата и зачинете со зачини и една лажица масло од тиква.