Убавите и негувани раце често се првото нешто што го забележуваме кога разговараме со некого, а ќе признаете, првиот впечаток е многу важен. За да ви бидат негувани рацете, не значи дека треба да имате лакирани нокти, важно е да се уредни, чисти и со негувана кожа. Таму настанува проблемот. Обичните креми за раце честопати не се доволни бидејќи кожата е постојано изложена на хемикалии – детергент за миење садови, течни сапуни, средства за дезинфекција, потоа ветер, студ…

Како резултат на тоа, кожата на рацете често е сува, испукана и се појавуваат кутикули. Може да настанат и поради недостаток на одредени витамини или како последица на лоши навики (гризење нокти).

Знаете дека треба да ги негувате рацете, но прашањето е како? Почестете ги со третман како во салон. Направете го тоа навечер, пред спиење. Претходно потопете ги рацете во топла вода. По неколку минути исечете ги и обликувајте ги ноктите, а потоа со дрвен стап турнете ги кутикулите кон коренот на ноктот. Не ги сечете со ножици, кутикулите имаат заштитна улога бидејќи спречуваат навлегување на нечистотии и бактерии во коренот на ноктите. наместо сечење, се препорачува само грижа. Еве како да направите маска:

– 1 лажица кокосово масло
– 1 лажица рицинусово масло
– 1 лажица крем за раце

Малку загрејте ги маслата за да бидат пријатни температури, а не врели, па додајте крем за раце и сè убаво соединете. Во оваа смеса потопете брисеви или памучни марамчиња, а потоа завиткајте го секој прст, распоредете ги на рацете и врз него ставете газа или памучни ракавици и оставете го преку ноќ.