Јапонските научници докажаа дека главната состојка на смоквите – бензалдехид, придонесува за намалување на туморите кај луѓето.

Имено, тие тврдат дека ова сочно овошје покажало одлични резултати во намалувањето на ризикот од рак на простата.

Рак на дојка

Исто така, велат дека помага при рак на дојка во периодот по прекинот на менструацијата.

Покрај тоа што се антиканцерогени, се покажало и дека смоквите имаат корисен ефект врз нивото на холестерол во крвта. Растителни стероли како што се стигмастерол и ланостерол, кои се содржани во смоквите, се врзуваат за молекулите на холестерол во цревата и на тој начин ја попречуваат неговата апсорпција.

Омега 3 и 6 се важни за здравјето на кардиоваскуларните органи

Омега 3 и омега 6, кои ги има во смоквите, се многу важни за здравјето на кардиоваскуларните органи. Смоквите се добар извор на калиум, минерал кој го регулира крвниот притисок.

Поради количината на шеќер содржана во смоквите, на дијабетичарите им се советува да бидат внимателни кога ги јадат. Меѓутоа, ако се конзумираат умерено, потребата за инсулин кај дијабетичарите може да се намали.