Пржени лигњи. Едноставно, брзо и вкусно јадење, нели? Меѓутоа, често се случува лигњите да не се баш тоа што ги сакаме – остануваат жилави и тврди, што покажува дека ова јадење сепак треба правилно да се подготви.

Доколку подготвувате поголеми и постари лигњи, пред да ги испржите добро е да ги сварите малку за да омекнат. Покрај лигњите, за овој рецепт ви требаат и брашно, масло и сол, а готовите лигњи посипете ги со сок од лимон и послужете ги со салата.

Ви покажуваме како да подготвите совршени лигњи:

Најпрво треба да ги исчистите лигњите, да ја извадите проѕирната коска од трупот и добро да ги измиете. Потоа исечете ги на прстени и добро исушете ги со кујнска крпа. Откако ќе се исушат, извалкајте ги во брашно и пржете ги на врело масло додека не поруменат. Секако, внимавајте да не се пржат предолго!

За лигњите да бидат рамномерно покриени со брашно од сите страни, во најлонска кеса или сад со капак се валкаат во брашно, па се тресат за да се отстрани вишокот брашно што често гори при пржењето.

Пржените лигњи се служат топли, додека нивното месо е сè уште меко.