Четири лица загинаа во тешка сообраќајка што попладнево се случила на патот Ресен – Охрид во близина на селото Крушје, потврдуваат од МВР.
Од СВР Битола за Курир потврдија дека во несреќата, која се случила околу 16:30 часот, учествувале три возила. Од се уште непознати причини дошло до судир меѓу „Мерцедес“ и „Ауди“, двете со битолски регистерски ознаки и „БМВ“ со охридски таблички.
Во несреќата, како што потврдуваат за Курир од битолската полиција, животот го загубиле четири лица, две од жртвите се од Мерцедесот, а две од Аудито.
Неофицијално, во несреќата има и повредени лица, но засега нема подетални информации за нивниот број и карактерот на повредите.
Полицискиот увид е во тек, по што се очекува да бидат познати повеќе детали.