Дваесет и тригодишна девојка од Крива Паланка се здобила со тешки повреди во сообраќајна несреќа која се случила вчера во 16.05 на патот Крива Паланка – Деве Баир, во близина на место викано „Бегови бавчи“.
Во несреќата, информираат од полицијата, учествувале „пежо 407“, со струмички регистарски ознаки, управувано од А.Д.(27) од Крива Паланка и „фолксваген пасат“, со кумановски регистарски ознаки, управувано од С.П.(23) од Крива Паланка.
-Во незгодата, со тешки телесни повреди се здобила С.П., констатирани во Здравствениот дом Крива Паланка, каде била пренесена за укажување на лекарска помош, се наведува во полицискиот билтен.
Извршен бил увид на местото на настанот од увидна екипа од Полициската станица Крива Паланка.
