Двајца пешаци се тешко повредени во две одвоени сообраќајни несреќи кои се случиле во Тетово.
Првата несреќа се случила околу 10.55 часот на бул.„Благоја Тоска“ кога автомобил „фолксваген голф“ со тетовски регистарски ознаки, управуван од Р.А.(65) од с.Ѓермо, удрил во пешакот М.А.(82) од Тетово.
По несреќата, М.А бил пренесен во Клиничка болница Тетово каде му биле констатирани тешки телесни повреди.
Околу 23:05 часот на булеварот „Маршал Тито“ во Тетово ,автомобил „ауди А6“ со тетовски регистарски ознаки, управуван од Л.Љ.(25) од Тетово, удрило во пешакот А.У.(61) од Тетово.
По несреќата, А.У. бил пренесен во Клиничка болница Тетово каде му биле констатирани тешки телесни повреди.
Во двата случаи извршен е полициски увид.
