Две малолетни деца и двајца возачи се полесно повредени во сообраќајна несреќа која пред два дена се случила на крстосница кај Башино село.
Од МВР за Курир ја потврдуваат несреќата и истакнуваат дека истата била пријавена на 28-ми околу 19:45 часот.
-Во несреќата учествувале две возила, автомобил „Рено“ управуван од М.Ѓ. (39) и автомобил „Мерцедес“ со англиски регистерски ознаки управуван од велешанецот Ч.Д. (37), велат од МВР за Курир.
Со полесни повреди, според информациите на полицијата, се здобиле двајцата возачи и две малолетни лица од „Реното“ кои биле пренесени во велешката болница.
Полициски екипи на местото на несреќата извршиле увид.
