Товарно возило „ман“ со радовишки регистарски ознаки, управувано од И.Т.(56) од Радовиш, удрило во полициски службеник, кој извршувал работни задачи.
Од МВР информираат дека несреќата се случила вчера во 15:30 часот на влез во скопско Миладиновци.
-Во незгодата со повреди се здобил полицискиот службеник и бил пренесен во Градската општа болница „Св.Наум Охридски“ за укажување на лекарска помош, велат од МВР.
Извршен бил увид на местото на настанот од увидна екипа од СВР Скопје.
