Маж од крушевско село е тешко повреден откако се превртел од трактор.
Портаролот на СВР Тетово, Марјан Јосифоски информира дека вчера околу 11:30 часот во СВР Тетово пријавено е дека И.А.(51) од крушевското село Саздово, управувајќи трактор со дрва во Бунец на Маврово, изгубил контрола и се превртел.
При падот, И.А. се здобил со тешки телесни повреди, констатирани во гостиварската Општа болница „Ферид Мурад“.
На местото на настанот увид извршила екипа од Одделението за внатрешни работи Гостивар.
