Државјанин на Србија е тешко повреден во сообраќајна несреќа која синоќа во 1:20 часот се случила на регионалниот пат Гостивар-Маврово кај Новоселски Мост–с.Ново Село.
Полицијата денес информира дека патничко моторно возило „Нисан“ со српски национални ознаки управувано од Ф.И.(32) од Р.Србија, излетало од коловозот.
-Во незгодата возачот се здобил со тешки телесни повреди и со возило на Итна медицинска помош бил пренесен во Медицинскиот центар во Гостивар, а потоа во комплексот клиники “Мајка Тереза“ во Скопје, велат од МВР.
Увид на местото на настанот извршиле Јавен обвинител и увидна екипа од Полициската станица Гостивар. Се работи на целосно расчистување на случајот.
