Најдобриот фудбалер на Челзи, Еден Азар беше двоен стрелец синоќа во победата над Вест Хем (2:0) во натпреварот од 33. коло на првенството на Англија.
По овие два погодока, Белгиецот стигна до бројот 85 со што го надмина Кристијано Роналдо кој има 84 голови во Премиер лигата. Португалецот во периодот 2003-2009 година играше за Манчестер јунајтед.
Оваа сезона, 28-годишниот Азар настапи на 42 натпревари за Челзи во сите натпреварувања, постигна 21 гол со 12 асистенции. Тој е во тимот од „Стемфорд бриџ“ од 2012 година.
