Ал Наср закажал термин за лекарски преглед на Кристијано Роналдо и резервирал сместување за него и придружниот персонал што ќе пристигне со него, потврдил клупски извор за CBS. Доколку се оди според планот, португалската светска фудбалска ѕвезда после тоа ќе потпише богат договор со клубот од Саудиска Арабија.

Иако претходно се пишуваше дека Роналдо во Ал Наср ќе заработува околу 200 милиони долари по сезона, оваа информација беше демантирана од пишувањата дека тој треба да ја добие споменатата сума за целосен договор во траење од две и пол години. Тој треба да добива 75 милиони долари по сезона.

Роналдо всушност треба да потпише договор до 2030 година, а договорот на играчот го обврзува до 2025 година. Покрај улогата на играч, тој ќе ја добие и улогата на амбасадор за заедничката понуда на Саудиска Арабија, Египет и Грција за Мундијалот во 2030 година. Исто така, му била понудена менаџерска функција во клубот, па ќе може, доколку сака, да избере тренер кој потоа би бил доведен во клубот и ќе ги преземе него и тимот.

Уште пред да го напушти Манчестер Јунајтед, Роналдо беше поврзуван со многу европски клубови. Тој беше незадоволен и побара да си замине од „Олд Трафорд“, што на крајот го испровоцира со интервјуто со Пирс Морган. После тоа доби меѓусебен раскин на договорот.

Агентите го нудеа на многу клубови од најсилните европски лиги, но ниту еден од нив не беше подготвен да ја доведе 37-годишната ѕвезда под условите што беа предложени. Парите не беа проблем за богатиот клуб од Саудиска Арабија и преговорите беа започнати. Роналдо ќе добие повеќе отколку што можеше во кој било европски клуб, а Ал Наср место во целиот спортски печат.