Англискиот шампион Манчестер Сити ја забележа петтата последователна домашна победа во Премиер лигата, откако во деветтото коло оствари триумф со 5: 0 против Барнли ..

Така, „граѓаните“ продолжија со својот 100 процентен успех во дуелите на домашен терен од почетокот на сезоната и се вратија на првото место. Пулените на Пеп Гвардиола сега имаат два бода пред Челзи, кој претходно одигра 2:2 со Манчестер Јунајтед на „Стемфорд Бриџ“.

За шампионите во игра се врати нивната ѕвезда Кевин Де Бруин. Тој се појави на теренот во второто полувреме при резултат од 3:0. Инаку, Давид Силва запиша две асистенции. Првата беше за Серхио Агуеро, кој го отвори резултатот во 16. минута. Потоа, Шпанецот, исто така, му подаде на Бернардо Силва (54) за 2:0. Само 120 секунди подоцна, Фернандињо зголеми на 3:0, а на крајот и Ријад Марез и Лирој Сане постигнаа по еден гол.

Во следното коло, Сити е домаќин на Тотенхем, но пред тоа оди на гости кај Шахтјор  Доњецк во Лигата на шампионите. Барнли го пречекува Челзи.

Резултати од Премиер лигата:

Челзи – Манчестер Јунајтед 2 – 2

Борнемут – Саутемптон  0 – 0

Кардиф – Фулам 4 – 2

Манчестер Сити – Барнли  5 – 0

Њукасл – Брајтон 0 – 1

Вест Хем – Тотенхем  0 – 1

Вулверхемптон – Ватфорд  0 – 2.